He aloha no 'o Honolulu
I ka ua Kûkalahale
Ka nuku a'o Mâmala
'Au a'e nei mahope
Kau mai ana mamua
Ka malu 'ulu a'o Lele
Kukui 'a'â mau
Pio 'ole I ke Kaua'ula

'Au aku I ke kai loa
Oni mai ana 'o 'Upolu
Ho'okomo Iâ Mahukona
Ka makani 'Âpa'apa'a
E wiki 'oe 'apa nei
Eia a'e 'o Kawaihae
Ho'ohaehae Nâulu
Ka makani Ku'ehu 'ale

Ka hao a ka Mûmuku
Poho pono nâ pe'a heke
'O ka heke a'o nâ Kona
I ke kai mâ'oki'oki
Ki'ina ke koi'I koi
I ka piko o Hualâlai
A la'I wale ke kaunu
'A'ole pahuna hala

Hala 'ole no ka ua
I ke kole maka onaona
E haupâ 'oe a kena
I ka piko 'oe lihaliha
Hâli'ali'a mai ana
Kou aloha kâkia iwi
Ho'okomo Iâ Honu'apo
I ke kai kauha'a

Ha'alele ka Maunaloa
I ka pohu la'I a'o Kona
Ho'okomo Iâ Ho'okena
I ka pewa a'o ka manini
Ha'ina mai ka puana
'O ka heke no nâ Kona
No Kona ke kai malino
Kaulana I ka lehulehu